Muḥamed Budiaf: Ababat n tegrawla
Page 1 sur 1
Muḥamed Budiaf: Ababat n tegrawla
Muḥamed Budiaf: Ababat n tegrawla
Ass n 29 di yunyu 1992, rann-d imawlan isalen lexber uḥzin, win izelzen imdanen ama di tmurt n Lezzayer neɣ berra i tmurt. Lexber idfan : aselway n tigduda mass Budiyaf yettwanɣa.Yettwanɣa deg yiwet n tzeqqa deg Anaba, mi yella yettawi-d ameslay ɣef tmurt sdat waṭas n yimdanen.Di lawan anda ad at-ɣeḍren yella yettmeslay-d ɣef tmussni di dunit d wazal izemmer ad yefk udabu i tmussni i wakken ad taf tmurt-nneɣ amṭiq yuklalen di dunit. Amaslay-ines d assirem ɣer sdat, d assirem yaɛnan lezzayer n uzekka, d awal n tafat rran-aɣ-t d talast.
Mass Budiyaf, seg yirgazen id-yettufraren deg teswiɛin n diq. Yefka-d iman-is s wul-is i tmurt n lezzayer i wakken ad irr talwit d lehna i yizayriyen. D win inwan d dirr awal i wagdud , d win yebɣan ad yezzu tugdut deg wakal yeswan s yidamen n yirgazen yuklalen , yellan d izmawen, wid yerran dunit d taberkant i fransa d imdukkal-is. Yusa-d seg Merruk anda yella yettɛic yid twacult-is . Ikecm-d i tmurt i wakken ad iletha akk d tmurt-is amek itt-letha ufellaḥ s tejnant-is. Lezzayer d tajnant wessiɛet. Lezzayer d tajnat n tlelli, tajnant ul nettɣara deg unubdu, ul nettewriɣ deg lexrif. D tajnant yetčuren d lxir. Mass boudiaf seg wid yettwalin d akken tajnant-a ilaq ad tili gar yifassen izedganen mačči gar wid yetčuren d idamen, wa ad illin yiɛessasen-is d inasliyen mačči d uccanen. Tamurt teḥwaj irgazen yuklalen wid at-iḥemlen mačči d ixeddaɛen wid iḥemlen aɛebbuḍ-nsen, ǧǧan agdud di lḥif ittḥuf ul yufa s wacu ad yerr ruḥ i terwiḥt. Agdud yettidir di ssber , al as-qqaren aseggas-a ijaḥ, raju qabel.
Mass Budiyaf, yerra-d assirem i wagdud , ɣur-s tamurt ul tettjiḥ, ay tjiḥen d imdebren n tmurt. Ljiḥa-nssen seg 62 ul tfuk ɣef uqerru n yizayriyen. Ayen xedmen seg mi ṭṭfen s draɛ adabu al ass-a d akleḥ s yizayriyen, ayen xedmen ul yesɛa lmaɛna, ul ad yeggi lqima. Ul sbedden ula d yiwet n tɣawsa ssarament la wid yemmuten ɣef tmurt la wid id-yennernan i tmurt. Tikli-nsen txulef swab, tiktiwin-nsen d asaɛwej, allaɣ-nsen yecɣel ɣef ukursi ul bɣan ad ṭixren fell-s, ṭfent s lbaṭel d tmeḥqranit, mačči ass, mačči aseggas. 30 yiseggasen aya.
Di 1992, ass mi id-yussa mass Budiyaf, agdud azayri yefreḥ, al as-yenna dayen tfuk fell-as tmḥeqranit, ifuk lexdaɛ, ifuk ukleḥ, ifuk lbaṭel, tfuk tkurṭa, ifuk ṭlam.dayen ad tban tafat deg tmurt. Ihi, mass Budiyaf isawel i yizayriyen ad dukklen ad tebɛen abrid n tafat d tmussni. D win yebɣan ad yexdem tigejda isseḥḥan i tmurt, yerra lwehla i uɣerbaz, yumen s leqraya.Yufa-d aɣerbaz n lezzayer yesɛa uguren meqqren, fkan-as tazazert,rzan-as tigejda-yis,yessufuɣ-d yaɛdawen i tmurt-is. Netta yebɣa ad as-d-yerr udem iseḥḥan win ara yessijhiden tamussni tin id-yesskanayen iberdan isuben , iberdan yeḥwaj ugdud azayri.
Mass Budiyaf, yumen d akken imal n tmurt ad yilli ma tella tmurt yid tmura-nniḍen mačči ma tennaɛzal waḥsdes. Anect-a ad yili s ubrid n tmussni. D argaz ul yeqbil tamurt-is ad teqqim di ṭṭerf, tennaɛzal am tixsi yuta lehlak.
Mass boudiaf yewwi-d yid-s ddwa n lehnlak yuten lezzayer , yewwi-d ddwa i wid-ak ihelken ɣef leḥkem. Ama wid yebɣan ad yeqqim din ɣas muten,ama i wid yebɣan ad yawet i leḥkem ɣas s lmut n wiyat. Aya ul as-yekcim deg wallaɣ.Ala tugdut ay ttwali d abrid yessawaṭen ɣer leḥkem.
Mass Budiyaf, yerra-d assirem i wagdud azayri, argaz, tameṭṭut, meẓẓi, meqqer, wid-ak mi ɛerqen iberdan ferḥen s ubrid id-yenjer. maca ixeddaɛen n tmurt, yaɛdawen n tudert qesfen assirem id-yenernan deg wul n yizayriyen. Qesfent akken d aleqqaq. Nɣan abbabt n tegrawla. S laman ay ttwanɣa, ittwanɣa s ifassen yizayriyen ɣar izayriyen. Tettru lezzayer imi tejreḥ tmurt ! Mass Budiyaf ul yenɣa ufus urumi di lawan n tegrawla, yenɣa-t ufus uzayri di tlelli ad as-yewwi.
Ihi ass-a, agdud azayri yeggul fell-awen ay aɛdawen n tmurt al d awen-tuɣal dunit d laxert, di tlam ara tettɛicem, lbenna ul tettemlilem, tafat ul t-ẓerrem, seḥḥa ul t-kesbem, di lehna ul t-ttidirem, d tanegrawt ara tnegrem, Izuran-nwen ad qelɛen yiwen yiwen. Ad yefrari wass ɣef lezzayer, mebla kunnwi ad tidir tmurt di tlelli d lehna.
Ad yerḥem Rebbi Budiyaf d tmital-is wa ad yexzu Rebbi wa ad t-yenɣan d yilfan-is.
Budiyaf yedder, kunnwi temmutem ɣas akken tedrem !
Sɣur : Nacer Abdoune
ass n 27 juin 2011.
Ass n 29 di yunyu 1992, rann-d imawlan isalen lexber uḥzin, win izelzen imdanen ama di tmurt n Lezzayer neɣ berra i tmurt. Lexber idfan : aselway n tigduda mass Budiyaf yettwanɣa.Yettwanɣa deg yiwet n tzeqqa deg Anaba, mi yella yettawi-d ameslay ɣef tmurt sdat waṭas n yimdanen.Di lawan anda ad at-ɣeḍren yella yettmeslay-d ɣef tmussni di dunit d wazal izemmer ad yefk udabu i tmussni i wakken ad taf tmurt-nneɣ amṭiq yuklalen di dunit. Amaslay-ines d assirem ɣer sdat, d assirem yaɛnan lezzayer n uzekka, d awal n tafat rran-aɣ-t d talast.
Mass Budiyaf, seg yirgazen id-yettufraren deg teswiɛin n diq. Yefka-d iman-is s wul-is i tmurt n lezzayer i wakken ad irr talwit d lehna i yizayriyen. D win inwan d dirr awal i wagdud , d win yebɣan ad yezzu tugdut deg wakal yeswan s yidamen n yirgazen yuklalen , yellan d izmawen, wid yerran dunit d taberkant i fransa d imdukkal-is. Yusa-d seg Merruk anda yella yettɛic yid twacult-is . Ikecm-d i tmurt i wakken ad iletha akk d tmurt-is amek itt-letha ufellaḥ s tejnant-is. Lezzayer d tajnant wessiɛet. Lezzayer d tajnat n tlelli, tajnant ul nettɣara deg unubdu, ul nettewriɣ deg lexrif. D tajnant yetčuren d lxir. Mass boudiaf seg wid yettwalin d akken tajnant-a ilaq ad tili gar yifassen izedganen mačči gar wid yetčuren d idamen, wa ad illin yiɛessasen-is d inasliyen mačči d uccanen. Tamurt teḥwaj irgazen yuklalen wid at-iḥemlen mačči d ixeddaɛen wid iḥemlen aɛebbuḍ-nsen, ǧǧan agdud di lḥif ittḥuf ul yufa s wacu ad yerr ruḥ i terwiḥt. Agdud yettidir di ssber , al as-qqaren aseggas-a ijaḥ, raju qabel.
Mass Budiyaf, yerra-d assirem i wagdud , ɣur-s tamurt ul tettjiḥ, ay tjiḥen d imdebren n tmurt. Ljiḥa-nssen seg 62 ul tfuk ɣef uqerru n yizayriyen. Ayen xedmen seg mi ṭṭfen s draɛ adabu al ass-a d akleḥ s yizayriyen, ayen xedmen ul yesɛa lmaɛna, ul ad yeggi lqima. Ul sbedden ula d yiwet n tɣawsa ssarament la wid yemmuten ɣef tmurt la wid id-yennernan i tmurt. Tikli-nsen txulef swab, tiktiwin-nsen d asaɛwej, allaɣ-nsen yecɣel ɣef ukursi ul bɣan ad ṭixren fell-s, ṭfent s lbaṭel d tmeḥqranit, mačči ass, mačči aseggas. 30 yiseggasen aya.
Di 1992, ass mi id-yussa mass Budiyaf, agdud azayri yefreḥ, al as-yenna dayen tfuk fell-as tmḥeqranit, ifuk lexdaɛ, ifuk ukleḥ, ifuk lbaṭel, tfuk tkurṭa, ifuk ṭlam.dayen ad tban tafat deg tmurt. Ihi, mass Budiyaf isawel i yizayriyen ad dukklen ad tebɛen abrid n tafat d tmussni. D win yebɣan ad yexdem tigejda isseḥḥan i tmurt, yerra lwehla i uɣerbaz, yumen s leqraya.Yufa-d aɣerbaz n lezzayer yesɛa uguren meqqren, fkan-as tazazert,rzan-as tigejda-yis,yessufuɣ-d yaɛdawen i tmurt-is. Netta yebɣa ad as-d-yerr udem iseḥḥan win ara yessijhiden tamussni tin id-yesskanayen iberdan isuben , iberdan yeḥwaj ugdud azayri.
Mass Budiyaf, yumen d akken imal n tmurt ad yilli ma tella tmurt yid tmura-nniḍen mačči ma tennaɛzal waḥsdes. Anect-a ad yili s ubrid n tmussni. D argaz ul yeqbil tamurt-is ad teqqim di ṭṭerf, tennaɛzal am tixsi yuta lehlak.
Mass boudiaf yewwi-d yid-s ddwa n lehnlak yuten lezzayer , yewwi-d ddwa i wid-ak ihelken ɣef leḥkem. Ama wid yebɣan ad yeqqim din ɣas muten,ama i wid yebɣan ad yawet i leḥkem ɣas s lmut n wiyat. Aya ul as-yekcim deg wallaɣ.Ala tugdut ay ttwali d abrid yessawaṭen ɣer leḥkem.
Mass Budiyaf, yerra-d assirem i wagdud azayri, argaz, tameṭṭut, meẓẓi, meqqer, wid-ak mi ɛerqen iberdan ferḥen s ubrid id-yenjer. maca ixeddaɛen n tmurt, yaɛdawen n tudert qesfen assirem id-yenernan deg wul n yizayriyen. Qesfent akken d aleqqaq. Nɣan abbabt n tegrawla. S laman ay ttwanɣa, ittwanɣa s ifassen yizayriyen ɣar izayriyen. Tettru lezzayer imi tejreḥ tmurt ! Mass Budiyaf ul yenɣa ufus urumi di lawan n tegrawla, yenɣa-t ufus uzayri di tlelli ad as-yewwi.
Ihi ass-a, agdud azayri yeggul fell-awen ay aɛdawen n tmurt al d awen-tuɣal dunit d laxert, di tlam ara tettɛicem, lbenna ul tettemlilem, tafat ul t-ẓerrem, seḥḥa ul t-kesbem, di lehna ul t-ttidirem, d tanegrawt ara tnegrem, Izuran-nwen ad qelɛen yiwen yiwen. Ad yefrari wass ɣef lezzayer, mebla kunnwi ad tidir tmurt di tlelli d lehna.
Ad yerḥem Rebbi Budiyaf d tmital-is wa ad yexzu Rebbi wa ad t-yenɣan d yilfan-is.
Budiyaf yedder, kunnwi temmutem ɣas akken tedrem !
Sɣur : Nacer Abdoune
ass n 27 juin 2011.
Zhafit- Admin
- Nombre de messages : 13597
Date d'inscription : 26/04/2008
Zhafit- Admin
- Nombre de messages : 13597
Date d'inscription : 26/04/2008
Sujets similaires
» Muḥemmed Lḥasen Meḥruc i Uɣmis n Yimaziɣen: “ Ugur n lexsas n umawal, d sebba ur nesɛi lqaɛ”
» Ait Ikni, Aḥraq ḥerqeɣ iman-iw.
» Uleḥlu - Mazal-iyi ḥemmleɣ-kem
» Leḥlu Kamal - Amarzeg-nneɣ n Ferḥat
» Samir Tiɣzert, amedyaz-amaru n Teqbaylit
» Ait Ikni, Aḥraq ḥerqeɣ iman-iw.
» Uleḥlu - Mazal-iyi ḥemmleɣ-kem
» Leḥlu Kamal - Amarzeg-nneɣ n Ferḥat
» Samir Tiɣzert, amedyaz-amaru n Teqbaylit
Page 1 sur 1
Permission de ce forum:
Vous ne pouvez pas répondre aux sujets dans ce forum