Re: Djamel Laceb à Aokas le samedi 04 janvier 2020

Azul Dim 5 Jan - 13:30

Sghur Muhduremdan Abdenbi
Ziɣ Yennayer mačči d ayaziḍ kan,
yella ugar n wayen yellan.
Akka i d-yenna Laceb Djamel deg temlilit n wass-a deg Weqqas. Tenced-it-id Tiddukkla n at Aissa “Azday Adelsan n Weqqas” iwakken ad d-yessefṛez kra n temsal yerzan Yennayer, amezruy-is akked wayen yeqqnen ɣer-s.
Yenna-yi-d ma ad tettuḍ, qedfeɣ-t. Newweḍ qbel lawan imi ɣef zik lḥal i neffeɣ seg at Wasif. Dɣa nfuṛes tagnit nessed tikerciwin-nneɣ simi i d-yelḥeq Mouloud Tiakout ukkud neddukkel s “Annar n Umezgun n Buteɣwa”. D amkan igerrzen i tẓuri akked yinaẓuren iɛeddan syin. Mi d-yewweḍ Brahim Djabri, yemmeslay-aɣ-d ɣef usenfar i la ttheggin dinna. D ayen yessefraḥen imi d at taddart i ibubben ccɣel-a, d nitni i t-yessulin, d nitni i la t-yessedduyen.
Di “Place Katia Bengana” i nemlal Nadir Senoune, Aselway n Tiddukkla, nqeṣṣer cwiṭ, nečča aṭas, imir-nni srid ɣer tzeqqa.
Laceb Djamel “iɣezza”, yefra-tt di rray, teddez tebrez... : Yennayer yemmal-d azalen n talsa yellan ɣur-neɣ ɣas akken aṭas i as-kksen rran-ten ɣef ddemma n tesreḍt am wayen yecban tiwizi d wamek i ttemyerfaden medden mi ara d-yaweḍ yixef n useggas. Nebra i “tissulya n teɛleǧtin” i tturarent tullas. Nebra i “Usefqed n yiwernen”, ladɣa akubri, ahat tekcem-it tuccfa.
Nebra i “twerga” imi ula d tiweḍfin s wazal-nsent imi asent-teggen abrid iwakken ad ffɣent seg uxxam srid s anda ara afent lqut-nsent.
D tamuɣli-nneɣ, d taɣuri-nneɣ n umezruy-nneɣ i ilaq ad d-tifrir sya ɣer sdat. D azalen-a i ilaq ad ten-nezzuzzer, ad ten-nesselmed, ad ten-nmel i widen i ten-yettun, ad ten-nḥetten i widen i ten-yugin.
Tekfa temlilit s uzenzi n kra n yidlisen, nqeṣṣer cwiṭ akked yimeddukkal n n-nufa dinna, neṭṭef-d abrid n tuɣalin.
Anta ta tameṭṭut i mazal ass-a teqqar ayen i teqqar Nna Ɣni i waman :
“Ay aman iẓidanen
I d-ugmeɣ seg Walmayen
Ẓriɣ-ken telḥam
Di tafat di ṭṭlam
Ẓriɣ-ken telham
Sibninet-aɣ tiram”
Attan temlilit s tewzel kan,
@r tayeḍ ihi.

Azul Mer 11 Mar - 17:19

Contenu sponsorisé