SALIM BELLUZ,seg timuɣnest ɣer cnna...

SALIM BELLUZ,seg timuɣnest ɣer cnna...

Salim d yiwen n yilemzi n taddart Aliwen,taɣiwant n uweqqas tawilayet n bgayet deg tmurt n yiqbayliyen,seg-mi yella d abeztuḥ imal ugar ɣer cnna n teqbaylit,yekr-d s tezlatin n ḤAMIDUC,LUṢIF,AREZQI RAWES,KARIM TIZUYAR d wiyad.ibedi-s ɣef usayez i tikelt tamezwart yella-d deg useggas n 1989 asmi yesɛa 12 n yiseggasen deg uɣerbaz amezwar n taddart-is ilmend n tmeɣra n usfuggel n YENNAYER,Salim yekr-d ger yicennayen i yefkan azal i usefru d uzawan Aqbayli am:Ɛezdin Berquq,Lmajid Adrar,Ttaher Ɛisi,Ayt IKNI Bulam akked Cekkal Lɛaziz.Salim yella d ameɣnas deg Umussu Adelsan Amaziɣ deg yiseggasen n 1990,rnu daɣen d mmi-s n tefsut taberkant,yelḥa deg waṭas n tikliwin di tmurt n yiqbayliyen,(aweqqas,bgayet,tizi wezzu...)ma deg useggas n 2002 asmi yeḥma useqqi deg tmurt n yiqbayliyen,Salim yerfa iɣad-it lhal atas ɣef tugdi d yimenɣi id yesseɣli udabu aneḍlib amesbaṭli ɣef yiqbaylien,dɣa yefra-t d yiman-is d akken ur yessussum ara ɣef lbatel amwa,ihi s tallelt n gma-s Karim yessawed ad yessekles tasfift tamezwart umu yefka azwel Amezruy n tmurt-iw,anida yerra tajmilt i wid iruhen d iseflan n yimesbaṭliyen,ssin akkin ikemmel amenuɣ akked tezlit,ar tura yesɛa ukuz (04)n yiḍebsiyen anda yecna ɣef umenuɣ,tayri,tudert d usirem n yal ass...Salim d acennay amenzu i yerra-n tajmilt i ucennay amezwar n twinast n uweqqas mass ƐEZDIN BERQUQ i yerẓan asalu n tezlit taqbaylit deg temnaḍt-a,Salim send ad yessufeɣ tasfift yella icennu deg tudrin taddart tefkak-it i tayed yecna deg : medkur,ayt ɛisa,luṭa,tifernin,tazrurt,,iɣil wis,buxlifa,imdan,ayt mellul...arg.ma d ussan-a atan yetthy-id adebsi d amaynut,ili-t di lawan,ar tufart.

Iɣil wis