Samir TAƐRUǦIT, ameɣnas, amerɣas...

Samir TAƐRUǦIT, ameɣnas, amerɣas...

Samir iḥemmel aṭas Meεtub Lwennas akked wayen i yecna ɣef teqbaylit. Ihi ɣurwat tatut acku tatut tnneq. Smaḥ ulac ! Win yettun imeɣrasen-nneɣ , imeɣrasen n teqbaylit, macci d aqbayli.

28/05/2014 - sɣur Iɣil Wis

Samir d yiwen n yilemzi d ameɣnas n teqbaylit, seg taddart n At mellul, taɣiwant n Tici (Tichy), Bgayet, di tmurt n Yiqbayliyen.

Ilul ass n 06 ctember 1981, yensa ass n 30 mayyu 2013. Immut deg tudert-is 32 n yiseggasen. Ssebba n lmut-is d yiwen n waṭṭan n diri id yettef deg tefsut taberkant n 2001, imi yettwaṭṭef sɣur iǧadarmiyen n lɛar, netta d semmus (5) n yimdukal-is, anda samir yečča tiyita tsawed-it ɣer lmut s daxel n uxxam n iǧadarmiyen.
Lemmer mačči d yiwen n yimḍeber n tɣiwant n Tici i d-yekkren issexdem lḥers ɣef iǧadarmiyen-nni, tili nɣan-t ass-ni.

Syin akkin, ceyyɛen-t ɣer sbiṭar n uweqqas, ackuyenṭer. Imejjayen n uweqqas ur as zmiren ara. Ceyyɛent srid ɣer sbiṭar n uɛemriw di Bgayet anida ikemmel adawi. D acu kan seg yimr-en ur yeḥli.
Tiyta-nni yečča teqqaz deg-s. Tkref tudert-is. Deg wass-en, ur yufi lehna. Tazmert-is tuɣ-itent. Rnu ɣer waya, ulac amejjay neɣ sbiṭar i yeǧǧa, i wakken ahat ad yehlu. Maca izuɣur ṛṛuḥ, almi yewweḍ anda ara naweḍ meṛṛa.

Samir teḍra yid-es am waṭas n wid iruḥen d iseflan n udabu amesbatli. Ur yesfayed la isufar n tujya wala ayen niden. Aṭas n yilemziyen n tmurt n yiqbayliyen i iruḥen d iseflan,128 d ameɣras, 5000 n imejraḥ d waṭas niden ur banen ara ass-a, wissen anwa iɣzer i yeglan yiss-en...

Mazal ara ass-a nettwali wid yenɣa-n tarwa-nneɣ ttidiren di tlelli. Yiwen deg-sen ur yettwacareɛ amzun kra ur yeḍri. Ṣaḥa di tyematin-nsen taḍsant ma d nekni tiymatin-nneɣ d imeṭṭawen iḍ d wass.

Samir iḥemmel aṭas Meεtub Lwennas akked wayen i yecna ɣef teqbaylit. Ihi ɣurwat tatut acku tatut tnneq. Smaḥ ulac ! Win yettun imeɣrasen-nneɣ , imeɣrasen n teqbaylit, macci d aqbayli.

Amennuɣ-nneɣ ɣer zdat ara yeddu alama nerra-d azal i tmurt-nneɣ. Samir ulac win it-id yemmektan anagar amussu n ufraniman n tmurt n yiqbayliyen (MAK) yerna iwekked-d ibdi-s ɣer yidis n twacult-is.

Steɛfu di talwit a gma acku d awezɣi ad ak nettu.

sɣur Iɣil wis