Tidukkla tadelsant adrar n fad: asfugel n tedyanin n 80 2011

Tafsut ur teddumay ula ɣur-nneɣ aṭas akken kan ad teḍḍal tezegzut ad tezlef id-yenna Dda Lmulud n ayt Mɛemmer, d tidet ma nwali d akken yal aseggas melmi id-telḥeq tfsut ad yeddu yid-s yiɣisi, tameḥqranit, regmat akk d lmut. Anect-a d ayen twallin merra imdanen. Ɣef waya tidukkla tadelsant adrar n fad am yal tikelt tsujd-d yiwwen n leqdic d amerkanti anda id-tsmektay tidyanin n tfsut n yimaziƔen 1980 akk d tfsut taberkant 2001ahil-a llant deg-s tefsirin yerzan tidyanin-a, idlisen n tmaziɣt, tisɣunin n tdukkla, ugar n waya yella-d umyizwer ger sin n yiɣerbazen ilemmasen deg umud n tmaziɣt (CEM Tergregt akked CEM Tizwal) deg lmendad n umyizwer-a yella-d mass AKOUCHE Nacer akk d mass KORICHE Madjid d iselmaden n tutlayt d yidles amaziɣ. Ilaq ad nini d akken iswi n wanect-a d timlilit ger warrac n sin iɣerbazen, d asenerni n tmussni gar-asen, d azeṭṭa n tegmat gar-asen, d aseḥrec n warrac iwakken ad ḥemlen tamaziɣt, d assawki n warrac ɣef wayen yellan d ayla-nsen. ma d ass wis sin ad tilli tmedyezt akked tmeɣra n ccna sɣur yimedyazen akk d warrac n tdukkla.

Sadeq n ayt Rebaɛi.

Glaanyak asadek agma fais moi une traduction dans la langue de moliére ,ce dialecte préhistorique me fatigue