Tamurt.info: Amaynut deg wannar n yisallen n Tmurt

asmaali Mer 16 Déc - 19:33

Ansuf yis-wen ɣer Tmurt-nwen !

Tamurt.info d aɣmis aqbayli ara d-ilalen ass amenzu n yennayer 2960 / 12 yennayer 2010.

Aɣmis Tamurt.info imug s kuẓ (4) n tutlayin, Taqbaylit, Tafransist, Taglizit, Talmant ilmend n usiweḍ n isallen n Tmurt n Yeqbayliyen i Yeqbayliyen d wiyaḍ anda ma llan di ddunit.

I wakken a nessiweḍ ɣer yiswi-ya, nettnadi wid ara iqedcen yid-nneɣ ama d ineɣmasen, d imyura n yal annar, wid iẓewren di tkarikaturt, deg tvidyutin, di tsenselkimt, di tudlift atg,

Nqeddec war idrimen maca s tmussni, s wul d tebɣest i wakken ad neg azal i yedles aqbayli akk d usirem n Tmurt n Yeqbayliyen; akken a neṣṣerṣu assaɣen icudden Aqbayli ɣer tmurt-is, a nmel abrid n tikta i Yeqbayliyen i wakken ad ḥudden ɣef yiseɣ d wansayen-nsen ngum ayen nniḍen.

Win i izemren ad d-yefk afus deg wahil-a ad ɣ-d-yaru ɣer tansa-ya :

Sɣur tarbaεt n Tamurt.info :
Amasay n usufeɣ : Lyazid Abid
Amazrag : Deutsch-Kabylische Freundschaft. e.V.

Tanemmirt si tura i wid ara yekkin di leqdic ɣef Tmurt n Yeqbayliyen n tlelli d yimal.
Ar timlilit deg wesmel ara ken-icudden ɣer Tmurt : www.tamurt.info

Ḥemmel tamurt-ik, mmeslay tutlayt-ik

Iqeddacen n Tamurt.info