Hommage de Lounes Guerroudj à Azdine BERKOUK

https://www.youtube.com/watch?v=wmtDBjvzmj0&feature=youtu.be

Iṛuḥ ur d-iğğa
Akka id as-nnan
Ur yezwiğ ara
Ur yeεmiṛ axxsam
Awal id-yenna
Itekkes asennan
Yessefra yecna
Yedder d afennan
Tin akken imenna
iḥrez-itt deg ul
tayri-s tennerna
S isefra d lemtul
Si temẓi itt-yebɣa
Ar ccib mellul
Ahat deg uẓekka
Yid-s ad yeddukul
Teḥzen taddart-is
D wid it-iḥemmlen
Yeğğa-d amkan-is
Gar leḥbab d ilem
Ala tuɣac-is
Id-aɣ-d-iqqimen
Ad yidir yisem-is
Deg imi n yilemziyen
Akka ay d dunnit
Ulac w’itt-yeṛwan
Lmut, talalit
Llan ɣef yal amdan
Sgunef di talwit
Lbaṛaka deg imawlan
S leεnaya-k ḥader-it
A sidi riḥan !