22 d aseggas i yezrin γef tmenγiwt n tmeγnast taqbaylit Nabila Ğeḥnin

22 d aseggas i yezrin γef tmenγiwt n tmeγnast taqbaylit Nabila Ğeḥnin
15/02/2017 - 13:12



ASMEKTI (SIWEL) — Ulac timetti ud nurew ara tulawin i d-yettnekkaren s tebγest, d leḥmata refdent idles d tsertit, ttnaγent γef tlelli d yizerfan. Timetti taqbaylit ula d nettat tekseb ayen din n tlwain refden-t annay n umennuγ, yal ta s wacu. Gar-asen-t Faṭma n Sumer, Ṭawes Ʃemuc d yemma-s Faṭma n At Menṣur, Ḥnifa, Lila Ʃmara, Nna Nwara, d tiyaḍ i cebḥen isem n Teqbaylit.

Wis kan ma mazal necfa γef tmeγnast yettwanγan s yifassen n yinegmaren n tmusni, tayyi d Nabila Ğeḥnin i d-yusan γer tudert deg useggas n 1965, deg iγrem n Yemma Guraya taɛessast n lebḥur d tmurt, tamdint n Bgayet, deg tmurt n Yiqbayliyen.

Nabila Ğeḥnin tella d tamesdagt, tewwi-d agerdas-ines seg usudu n tsedga n tseddawit n Mulud Mɛemmri deg Tizi wezzu. Tella d taselwayt n tidukla ‘‘Tiγri n tmeṭṭut’’. Tidukla-a d tin iqedcen deg aṭas n tudrin n temnaḍt n Tizi wezzu, tettnaḍaḥ γef yizerfan n tulawin yettwagedlen sγur yimesbaṭliyen d wat tmetti yedreγlen. Temmuγnes daγen deg umussu adelsan amaziγ –M.C.B

Nabila zrin γef tmenγiwt-is, ass d was, aseggas γer gma-s 22 yiseggasen, seg-mi d-testeqsa γur-s lmut. Tettwanγa deg ass n 15 deg ayyur n furar 1995, deg Tizi wezzu, tettwamṭel deg Bgayet. Yal aseggas tettuγal-as tejmilt. Ass-a as tuγal deg uweqqas.
Nγan-t wid yettargun tagara, nγan-t imi d tameγnast, nγan-t imi tettḥarab γef yizerfan n tlawin yettwagezren.

http://archives.siwel.info/22-d-aseggas-i-yezrin-%CE%B3ef-tmen%CE%B3iwt-n-tme%CE%B3nast-taqbaylit-Nabila-%C4%9Ee%E1%B8%A5nin_a10548.html