Matoub Lounes à Aokas, juillet 1992

Matoub Lounès : 18 ans déjà que le barde a été assassiné
Ilmend n umulli n temtant n yiwen uzamul n tizlit tagrawlant n Leqbayel i yeǧǧan tudert ass n 25 di yunyu deg useggas n 1998
am yal asseggas, Tamurt Leqbayel, ad terr seg tama-s tajmilt i uzamul-a d twacult-is, ad tesmekti ass qerriḥen yecban wa, ass ideg id-yewweḍ lexbar dakken Lwennas yemmut, mačči d yiwen neɣ ssin, d ameɣar neɣ d tameɣart, d ilemẓi neɣ d tilemeẓit, d aregaz neɣ tamettut, ig fejɛen i yisali am wa, s yal amekan kkren-d fɣen deg yizenqan ttuɣun tameḥqranit d rehba id-yeɣlin ɣef twacult n Maɛtub, ɣef wegdud Aqbayli imi saɣen-t deg yiwen uzamul yesɛan isseɣ d ameqran, deg yiwen id-yefkkan aceṭub-is i wakal iwakken ad tbedd tutlayt n teqbaylit, Ur nezra ara deg wacḥal ay mazal-iten wid yeṭṭfen deg wawal-nsen iwakken ad ddun, ad sutren tafat ɣef wanect-a, ilaq ass-a ad ninni tidet ala tidet, kra war didet « nḥemmel dderz nettɛgiḍ nettkawa am uceṭṭiḍ ntettu anis id-nɛedda » d wa ay aṭan yuḍen lqum n wass-a yecna-d fell-as Lwennas, drus maṭi ay ddmen taɛkumt xedmen tigawt n tidet iwakken ad kemmlen i webrid ɣeziffen id-yeǧǧa, Lwennas d win id-yefkan tudert-is i tumast-nneɣ, ssut-is yebbaɛzeq mgal kra win i kerhen riḥa n teqbaylit, awalen-is lqayen gan-as afud i umennuɣ i yewwin iziɣer-is, yemmut ɣef Teqbaylit, ɣas idaq fell-aɣ lḥal mi nesla i lexber n temtant-is, maca seg wassen d asawen ɣas tessawen teswiɛt numen d akken ɣas ljedda n Lwennas tneggi, tiktiwin-is ur ttmettaten ara, mazal ass-a Ssut n Lwennas yesakay allaɣen n watmaten-is d tidet imi ɣas dakken ɛeddan 18 n yiseggasen ɣef tmettant-is, ɣas ahat tafekka tefsi maɛna tikti d umennuɣ-is d wayen akk ɣef wacu yeɛteb, yecna, yuzzel d awezɣi ad yenger. Aya mačči dayen nekni i t-yeẓran, maca ula d wid yewwin rruḥ-is. Ilmend n waya nessaram ad tili tafat ɣef tmettant n Lwennas.