ASFUGGEL N UMULI WIS 50 N LMUT N UMUSNAW REḤMANI SLIMAN

ASFUGGEL N UMULI WIS 50 N LMUT N UMUSNAW REḤMANI SLIMAN

Tidukkla azday adelsan n uweqqas terra tajmilt i umusnaw ameqqran n teqbaylit mass REḤMANI SLIMAN ilmend n umuli wis 50 n tmettant-is,ihi tidukkla-a theya-d yiwen n leqdic s wazal-is i teɣzi n kraḍ n wussan deg ass n 13,14,15 deg wenber 2014,anda id yella usmekti n yiwen seg tgejda id tefka teqbaylit,i usmekti kan d akken Dda Sliman yensa ass n 14 deg wenber 1964 deg tmanaɣt yemḍel deg tjebant n yimawlan-is deg Sidi Mḥend Aɣrib (aweqqas neɣ : wad mersa deg akud n yifransisen),ma nmuqqel ɣer wahil n timlilit-a ad tnaf d amerkanti imi id yella yiwen n yimsiken ɣef Dda Sliman akked mmi-s Ɛbdelqader deg 03 ussan n temlilit,leqdic yebda s wudem unṣib s usarag id tewwi tdukturt Ɛissu Wrida,ma deg tmeddit d amusnaw mass Ɛli Seyyad id yewwin asarag ɣef twacult n REḤMANI i yetddun ɣer zdat imi tettunefkas tegnit ad yemlal akked Dda Sliman deg useggas n 1963,yerna yessen illi-s Lwiza akked Ɛbdelqader.Ma d ass n 14 tella-d temlilit zdat n uẓekka-s anda iḥedren yimeɣnasen n umussu n ufraniman n tmurt n yiqbayliyen akked wis n tdukliwin tidelsanin,ma d tameddit n wass yella-d usarag-niḍen id wwin sin yimeɣnasen n teqbaylit-imyura ɣef tudert akked wayen yura Dda Sliman s umata wigi d mass Ɛmara Ɛbderaḥman akked Nassir Meǧdub,ma d ass aneggar n temlilit yella-d s usenɛet n yiwen n usaru ɣef REḤMANI ƐBDELQADER i yellan d ababat n ugraw n imaziɣen yerna d amaru anda id yssefhem uduktur Rida Qasmi kra n tugniwin,ma deg taggara tajmilt tameqqrant u tanemmirt i tidukkla azday adelsan n uweqqas i yettnaḍaḥen ɣef tnekkit akked yidles-nneɣ

Iɣil wis

tanemmirt ay azday...