AREZQI RAWES,ACENNAY N TEQBAYLIT YETWATTUN...

AREZQI RAWES,isem-is n tidet AREZQI CEBLI (RAWES D BABA-S I DAS-T-YEFKAN),d acennay n Teqbaylit seg taddart n Agni Ḥemic (Tala n Weẓru),taɣiwant n MAKUDA tawilayt n Tizi Wezzu di tmurt n Yeqbaylien.

AREZQI yemmut ass n 29 tuber 1987,yella d krad n yimdukal-is di tkerust-is deg yiwet n twaɣit n ubrid mi yeffeɣ deg temdint n tizi wezzu di tudert-is 25 iseggassen,yemmut d amezyan yerna mazal-as kra n wayyuren kan ad yejwej,iruh akka kan ur yerwi tudert,yedja-d deffir-s krad n tesfifin anda id yecna ɣef tayri,tudert akked d usirem,deg tezlatin-is ad naf:«Siweḍ-as slam», «Inas ay aḥbib inas» d «Tabrimt n lfeṭṭa». Ɣas akka Dda AREZQI yemmut mazal tuɣac-is ddren-t deg ulawen n watas n yeqbayliyen,i usmekti ass-mi yecna ḤAMIDUC deg uxxam n yidles ṬṬAWES ƐEMRUC N BGAYET ass n arim 06 yebrir 1998 yerr-as tajmilt i Dda AREZQI s tezlit «Siweḍ-as slam»,yerna imesslay-d fell-as.

,Ihi ɣurwat win it-ttun icennayen-nneɣ yessulin awal n TEQBAYLIT.

Sɣur Iɣil Wis,ass n amhad 15 mayyu 2014 deg uɣmis Tiɣremt/la Cité,Uṭṭun 53.