Anavaḍ aqvayli uɛḍil di Marsay

Anavaḍ aqvayli uɛḍil di Marsay

Ass n 28 deg waggur n γuct, Massa Malika At Sεid, taneγlaft n Tezmert d Temsisa n Unavaḍ Aqbayli d terbaεt ixeddmen yid-s ffγen i tikkelt tamenzut ar wannar i wakken ad mmeslayen, ad segzin i lγaci d acu i d timanit, d acu-t wahil n Unabaḍ n tmurt n Yebayliyen.

sɣur Kader Dahdah, Nora



Tuffγa-agi tella-d ɣer umarci Lipus n Marseille, anda yal sebt ttemlilen-d ar dinna d igimen (luluf) n yemdanen.

Tasebḥit n wass n ssevt deg uzγal, taneγlaft d terbaεt-is ṭṭfen tawwurt n umarci-yagi, cebḥen-tt s isenğaqen n tmurt n Yeqbayliyen, d ibundurulen ideg uran « Timanit i tmurt n Yebayliyen», « Gouvernement Provisoir de Kabylie ». Rnan sserḥen-as i ccna n umeγras n tlelli Maεṭub Lwennas.

Si tama nniḍen taneγlaft n Tezmert d Temsisa d imeγnasen yellan yid-s ttmagaren lγaci s yiccer n lkaɣeḍ ideg d-fkan akk isallen γef Umussu n Timanit akked wahil n Unabaḍ Aqvayli. Tamesvanit-a γef wayen iḍerrun di tmurt n Yeqγayliyen tejved-d tamuγli n waṭas n yemdanen i d-yerzan ar umarci.

Ma d Iqγayliyen ttasen-d s uzmummeg d unecrah srid γer imeγnasen n tmanit akken ad sen-fken ugar n yisallen γef tmanit d wahil n Unaγad. Ttaken-aγ-d s lferḥ uttunen-nnsen n usiwel d tansiwin tiliktrunanin akken ad tekkin deg leqdic icudden ɣer tmurt-nneγ.

Ula d wid ur nelli ara d Iqbayliyen sbeγsen taneγlaft d imeγnasen yellan yid-s γef ccγel-agi d tekti-ya n tmanit.

Taneγlaft n tezmert d tervaεt-is fkan awal akken ad d-zzin i yakk tiγermin n Marseille, akken ad mmeslayen d Yeqvayliyen, ad skasin yid-sen γef usenfar n tmanit.



http://www.tamurt.info/anava%E1%B8%8D-aqvayli-u%C9%9B%E1%B8%8Dil-di,617.html?lang=taq