Entretien avec Farida Djabri, présidente de l'association "Tadukli" d'Ait Aissa, Aokas

Ayt Ʃisa, Aweqas - (Tadiwennit) - Le Journal De Kabylie - Timlilit akk d Tselwayt n Tdukli n Ayt Ʃisa Ğabri Farida



Ayt Ʃisa, Aweqas - (Tadiwennit) - Le Journal De Kabylie - Timlilit akk d Tselwayt n Tdukli n Ayt Ʃisa Ğabri Farida :
 
Farida Ğabri deg yiwet seg teqbayliyen iqedcen γef yidles d tnekkit-nneγ yettwagezren, d taselwayt n Tdukli n Ayt Ʃisa (Association “TADUKLI” Ait-Aissa) deg temnaḍṭ n weqqas iyettwasnen s leqdicat-is, nesteqsa-tt s tumert iyaγed terra, ddut-d did-neγ deg tdiwennit-a iyas xedmeγ deg tazwara n wayyur n ctember ara d tafem s tsaḥlit (yiwet seg tantaliyin n Teqbaylit).
 
Deg tazwara ini-d I yimeγriyien-nneγ anta id Farida Ğabri ?
Farida d illi-s n Butaɛella, taddart n Ayt Ɛisa, Taɣiwant n weqqas, d tassaḥlit, ḥemmleɣ taqbaylit d wayen illan merra s tmaziɣt, taqeddact n TDUKLI seg useggas n 2010, ffeɣ-γed seg tsedawit n Lezzayer s ugerdas n lisuns deg tdamsa n temkerḍiwin (licence en bibliothéconomie).
Γef acu yebna leqdic n TDUKLI n Ayt-Ɛissa, d wanda tessaweḍem ?
TADUKLI n Ayt Ɛisa tqeddec γef temsal aɣeni-ceɣlen, d tidak aɣen-d-ittawin ayen ilhan iwanken d ineddu izzat, wid–nef udem ilhan i taddart-nneɣ, I tɣiwant-nneɣ, I teqbaylit-nneɣ, I tezmert-nneɣ, d yiman-nneɣ.
 
 
TADUKLI tefka tixuṭert i twennaṭ n-isɛan azal g tezmert-nneɣ, imi texdem awelleh γef wamek inkef tudert tis snat iwayen n ṭeyyir g xxam, d wugur n ugudu azayez, akked tfellaḥt lwaḥi d tneflit tamsedrart; texdem daγen tiwiziwin n wuẓi d tissi n ccjer d uqeɛɛed n swaqi d iberdan, lwaḥi d usizdeg n ubrid n Cap n Weqqas. TADUKLI tella gar yimezwura n win ibedden isseḥbes tawaɣit ibɣan iṭru deg ubrid n cceṭ n Weqqas.
 TADUKLI tettawi arrac, tiqcicin I umerreḥ d tukksa n lxiq d tikli f uṭar ɣer waṭas n yimukan am Udekkar, Igerssafen, Tuğa, Ğmila, Akfadu, Tigejda,…iwanken d inemyussan gara-neɣ w-inazer leqdic n tdukliwin n tɣiwanin-nniṭen, almi nessaweṭ neyra azeṭṭa didsen-t deg leqdic-nneɣ.
Azal n ameqqran g leqdic n TDUKLI iqqel I yidles imi idles d lemri n tudert-nneɣ d asirem n tmetti-nneγ, nessefraḥ taɣiwant n Weqqas s tmeɣriwin n ccna, Tamedyazt, Amezgun d tefsarin n yidlisen d wayen niṭen, ama g Yennayer, ass agraɣlan n Tmeṭṭut, ass n usmekti n tefsut n 80 niɣ d iṭawen n umezgun, ama g taddart n Ayt Ɛisa (Buṭeɣwa) niɣ g tɣiwant n Weqqas;
S leqdic-nneɣ ama deg iṭ niɣ g-ass ittwakkes lweḥc f tɣiwant-nneɣ, tettwakkes tugdi yar-neɣ, ttasen-d irgazen, lxalat, imɣaren, timɣarin, arrac, 
 
tiqcicin seg yal tama ama seg tɣiwant n weqqas neγ d tin anti qerben, ussan-d ula seg temdint n Bgayet, Tizi wezzu d Jijel, usant-d ula d lxalat n uxxam illan g leɛmer ul-ffiɣent !
Annect-a ibeyyen-d belli nesɛa azayez yelhan n iffuden idles g tudert-is. U mazal lxir izat ma ikemel ufud n TDUKLI isseḥa! asnebdu g tagara n ctember i uṣenfar n-useggem n ubraḥ-nneγ adelsan g Buṭeγwa s weblaṭ, as nef udem n umezgun arumani.
Fked tamuɣli-yim ɣef umussu adelssan deg Weqqas ?
Taɣiwant n Weqqas mačči n wass-a niɣ yiṭelli ! nesɛa inaẓuren d imeqranen, nesɛa imusnawen, imyura, imedyazen, icennayen, iqedacen n umezgun, d lḥiraf  n mkul ssenf, yerna am-akkas nenna nesɛa azayez (public) n-iffuden idles g tudert-is ! ihi g tɣiwant n Weqqas xussen iqeddacen n yidles, awi-wfan win teɛna temsalt as-fen azal ilaqen!
Dacu d uguren I d- tettafem deg unnar n leqdicat-nwen ?
Taɣiwant n Weqqas txxus g tzeqiwin n idles (axxam n yisaragen, axxam n umezgun, tazeqqa n tmeγriwin,… atg), d anecta aγni-ğan i nessawjad leqdicat-nneɣ g berra, ama g iɣil n Buṭeɣwa niγ g temdint n Weqqas, ani 
nettawef uguren d-imeqranen g annar leqdic, imi ulac ula d asayes it-ddun (unescéne mobile) g tɣiwant-nneɣ, asujed i leqdic-nneγ zge-s tazla d leɛtab d imeqranen imi isenned f twiziwin d lqella n yidrimen.
D acu alasen-tiniḍ iy-ilemẓiyen-nneɣ ?
Ilaq inerr azal ilaqen I tudert-nneɣ d teqbaylit-nneɣ, Tamurt-a d agla-nneɣ !awan iwfan kul yiwen zeyneɣ ixdem ayen izemmer niɣ akter, iwan-ken inili axxir. Sarameγ idilint teqeddacin s xirella g tdukliwin.
Awal n taggara s wacu ala n fak tadiwennit-a.
Tanemmirt I kra n wan idifan afus n temɛiwna i TDUKLI n Ayt Ʃisa ama s lǧehd niɣ s idrimen niɣ s wawal ilhan, bγiγ d aγen ireγ tajmilti iy-iqeddacen d tqeddacin n TDUKLI ladγa  wid id yeslulen TADUKLI gar yifasen-nsen g tagara n ussegas 2006, gar-asen sin tewwihen lmut wiyaha d Ḥamdi Lmextar lwaḥi d Ğabri Ʃebdlekrim, tanemmirt tameqqrant i cek ay Akli aɣen-difan awal.
Yesteqsa-tt Maklidir Ayt Iγilwis - Le Journal De Kabylie

http://kabylie.over-blog.com/2016/11/ayt-isa-aweqas-tadiwennit-le-journal-de-kabylie-timlilit-akk-d-tselwayt-n-tdukli-n-ayt-isa-gabri-farida.html