Luṣif yiwen seg yicennayen yelhan id tefka Teqbaylit ur nban aṭas aya

Luṣif yiwen seg yicennayen yelhan id tefka Teqbaylit ur nban aṭas aya



Mačči d taɣawsa isehlen iwaken ad nmeslay ɣef yicennayen n teqbayliyt,ladɣa wid n yiseggasen n 1980 imi aṭas deg-sen id yufraren u refden taɣect taqbaylit deg akud anda yeṭṭuqet usuɣu ɣef tnekkit,idles d yizerfan-nni-nneɣ yettwagezren,anda yal acennay yewwi-d amaynut i tezlit-nneɣ u yerna yal yiwen s uɣanib-is,ihi deg kra n yijerḍen-a ad awiɣ awal ɣef ucennay aqbayli Luṣif i yezuznen akk ilemẓiyen n teqbaylit,ihi acennay-nneɣ ilul deg taddart n Tgecrift (iflissen-tizi wezzu) deg tmurt n Yiqbayliyen i yettidiren aṭas aya deg Fransa,Luṣif yufrar-d deg yiseggasen n 1980 anda iga abaraz-is amenzu deg tzeqqa n Lulampiya anda yella ɣef usayez ala netta s udinan-is akked udrabki ameqqran Rabeḥ Xalfa,ma d deg useggas n 1983 yesufɣed tasefift tamenzut umi yefka azwel ''ay afaktur'',deg 1984 ''ay arraw n Leqbayel'',ma d tasfift ''sava sava'' ur d ufiɣ ara aseggas deg id tfɣe imi win steqsaɣ ad ak yini Luṣif aṭas aya ur iban ara,d acu kan ayagi ur yelli ara d ugur iwakken ad meslayeɣ fella-s,deg useggas n 1987 yesufɣed tasfift s uzwel ''A Nura''almi d aseggas n 1991 yesufɣed ''J.S.K'',deg 1992 ''taqcict n ɛecrin'',truḥ-m akken almi d aseggas n 2006 anda id yuɣal s tesfift d taneggart ar tura anda yerra tajmilt i Dda Sliman Ɛazem,seg imiren ur nesli i umaynut fella-s ...,ccna n Luṣif cubaɣt ɣer win n Ḥamiduc akked win n Rawes Arezqi...Luṣif yena s xila ɣef tayri,temẓi,tudert n yal ass,ger tezlatin ad nebder : amek ar ad ḥluɣ;ay arraw n leqbayel,a yemma,axelxal,aya taksi,j.s.k,taqcict n 20,d tiyaḍ i yetthuzzun ulawen n wid iḥemmlen,u mazal ar ass-a imdanen semḥasen i tezlatin-is gar-asen n ek s yiman-iw,deg taggara ad asiniɣ i Dda Luṣif atan aṭas iy ak id yesawaḍen azul u ttrajun amaynut-ik akked d issalen-ik ay acennay-nneɣ,ad aɣ yesuref unaẓur-nneɣ ma nenna-d kra mači deg umḍiq-is,ihi ad kfuɣ s yiwen n ubruy anda iy as yeqqar Dda Luṣif :

ay arrac n Leqbayel
si tizi alma d bgayet
ili-t d arraw n laṣel
s truggza ala nmet
ma llan wigad iɣi kerhen
ilaq gar-aneɣ ad tnekset
yerna nɛemd

Aklidir Iɣil wis

Yefɣed ass-a deg uɣmis Tiɣremt (ass n amhad 13 deg ɣuct 2015 )