Tiɣri i ufran n usenjaq aqbayli...

Tiɣri i ufran n usenjaq aqbayli...

Ussan-a amussu n ufraniman n tmurt n yiqbayliyen akked d unabaḍ aqbayli uɛiḍil gran-d tiɣri i ugdud aqbayli,d wid akk teɛna taluft taqbaylit ama d ameɣnas,amaru aneɣmas...,i wakken ad fernen asenjaq ara terfed tmurt n yiqbayliyen ssa d asawen,afran n usenjaq-a ad yili ass n umenzu n yunyu (01.06.2014) deg uxxam n LSAS MEƐTUB LWENNAS deg tewrirt n mussa.iswi n usenjaq-a macci d aḍgger n usenjaq n Tmazɣa acku imaziɣen n umaḍal ttayallen akk deg-s,ihi ili-t di tiɛad acku tamsalt-a terza akk Iqbayliyen anda ma llan.
i usmekti,amussu-ya n ufrnaiman(MAK),iga i tikelt tamenzut ass-nni n 19 mayyu 2014 ɣef 11 seg tsedawit n terga n uzemmur armi d amkan iy-as-fkan i Dda Saɛid Meqbel,i usmekti n tedyanin n 19 mayyu 1981 d tefsut taqbaylit n temdint n Bgayet,tikli-ya ihi tɛeda deg talwit d lisser,ulac deg-s cwal,wid yelḥan ussan-d seg ukkuz n tɣemar n tmurt n yiqbayliyen (tiz wezzu,tubiret,stif,bumerdas,bgayet...),
iswan n tikli-ya:asmekti n tedyanin n 19 mayyu 1981i wakken ulac tatut ɣef umezruy n teqbaylit,d usuter n uzref n ufraniman i tmurt n yiqbayliyen,d yibeddi ɣer yidis n Yimzabiyen akked d yimaziɣen anda ma llan...
deg taggara n tikli-ya aselway n umussu n ufrniman n tmurt n yiqbayliyen mass Buɛziz Ayt Cebib deg awal-is yerra tajmilt i Dda Saɛid Meqbel,Massin Harun,Sliman Reḥmani akked d yimeɣnasen n taluft taqbaylit(tamazight)anda ma llan.
ihi ɣurwat...tatut tneq deg iman-nneɣ deg umezruy-nneɣ



sɣur Iɣil wis