Lbacir Amellah

Zhafit Sam 26 Juil - 14:23

Lbacir Amellaḥ

a Lbacir Amellaḥ
i heddṛen leslaḥ
a-k ciwreγ di sin lumuṛ

beṭṭu d wi εzizen iqeṛṛaḥ
tasa la tjerraḥ
awlidi berkak lehduṛ

uḥeq wi' nṭṭeṛṛen d ssaḥ
nejlan ur d-nnin aḥḥ
gguğen zegren lebhuṛ

nessefra almi nebaḥbaḥ
i wakken a d-neğğ i ymejṭṭaḥ
iwacu i-d-nenfa s zuṛ

tarewla ifeddun tecbaḥ
f tilleli ay nsaḥ
deg-neγ i i treba amur

nexḍa i webrid ajelwaḥ
nerkeb γef ssaḥ
neṣfa am zzit uxemur

nqer-d ay iṭij n ssbaḥ
meqqar f imejṭṭaḥ
ma d nekkni caben-aγ lecfuṛ

Ukerdis,
Montreal, Yennayer 2951