Brahimi Lexxiyer

Brahimi Lexxiyer illu ass n 16/07/1967 deg lmerǧ n yiɣil ddaw n ugni garekku, amkan zedɣen Irumaniyen zik, mačči zik n yiḍelli, neɣ n seld iḍelli, maca win n weqbel zik. deg taddart n Ayt Smaɛel. D tagellilt tawacult-is, seg mi meẓẓi-it imal maḍi ɣer tzuri, ijerrb merra iberdan-is yimxalafen deg wudem ɣas ma yizdi-tent uẓar. di tazwara s teklut akk d rrqem anda yeɛreḍ ad yesbiyen ccebaḥa n yiriten n rrqem itxeddem temeṭṭut Tasmaɛlit ɣef yeqnucen n ufexxar, ixeddem-iten ɣef leḥyuḍ n yixxamen sin yeẓra d akken mačči d cbaḥa kan maca d inumak meqqren, inuda ɣer tlawin d temɣarin ayen ur yishil ula deg tmetti-nneɣ Taqbaylit ladɣa Tasmaɛlit, d acu d anamek n yizamulen-a ? dɣa Lexxiyer ijemɛa-d 61 n yizamulen wernu issegza-d 43 deg-sen deg yiwen n wedlis « yal azamul yesɛa azal » is-d-suffeɣ tddukla n Adrar n fad deg meɣres n usseggas 2010 ihi d netta ay d amaru amezwaru yerẓan asalu yegra assurif meqqer, assurif n tidet mačči win uqemuc kan deg taddart-nneɣ.

S tidet d bab n tzuri, yettidir ala deg wayen yerzan tazuri, ma yella d leḥerfa-s neɣ d tudert-is n yal ass, mi rziɣ s axxam-is walaɣ akk tiɣawsiwin n zik ɣef wacu yesḥerbib, walaɣ amek yerqqem ɣef leḥyud n wexxam-is, din, ẓriɣ aceḥal imal ar wayen ixeddem.

D ameltaɣ deg tdukkla tadelsant adrar n fad seg ussegas n 94 ar ass-a seg mi id-tlul tdukkla-ya tikki-yines tefka-d afud i leqdicat n tdukkla am wakken i s-tefka tdukkla afud meqqren deg wayen akk ixeddem.

Lxxiyer d win yesnen tutlayt n tyemmat-is akken iwata, d asegzawal acku yessen s telqay awallen iqburen. D afellaḥ maca tafellaḥt-is d awal d wid yesqdac deg tmedyazt-is ifazen s waṭas, ass-a ɛeddan 150 n yisefra id-yettawin ɣef waṭas n yisental d wid ara d yijmaɛ deg wammud sya d assawen.



D win daɣen ur nessin ɛeyyu, anda yesla i leqdic ɣef tqbaylit ad yeddu, anda yesraḥ kra ɣef yidles-is ad yaweḍ, d baba-s n 5 warrac d acu kkan yessen ad yezdi gar urebbi n twacult-is akk d leqdic ɣef tmaziɣt, dayen ilaq i yal yiwen deg-nneɣ ad yexdem.

Yekki deg waṭas n tfaskiwin n tmedyezt ama deg udrar n fad, Bumerdas, Tizi Wezzu, Itri adelsan n Weqbu, akk d tfaska n uqussis usnan tumast n tesgga n yidles d tutlayet n tmaziɣt deg tseddawit n Bgayet i yellan d tajmilt i mass Kamel Buɛmara anda id-yewwi araz amezwaru deg useggas 2009.



gma-k deg teqbaylit sadek Rebaɛi.