Le Portail des Hommes Libres
Vous souhaitez réagir à ce message ? Créez un compte en quelques clics ou connectez-vous pour continuer.
Le Deal du moment :
Xiaomi Mi Smart Camera 2K Standard Edition (design ...
Voir le deal
11.39 €

Adiwenni akked umedyaz-amaru aqbayli ilemẓi Ɛmer Meɛuci

Aller en bas

Adiwenni akked umedyaz-amaru aqbayli ilemẓi Ɛmer Meɛuci Empty Adiwenni akked umedyaz-amaru aqbayli ilemẓi Ɛmer Meɛuci

Message  AKLI AMNAY Lun 6 Avr - 14:55

Adiwenni akked umedyaz-amaru aqbayli ilemẓi Ɛmer Meɛuci 3mer_m10

Adiwenni akked umedyaz-amaru aqbayli ilemẓi Ɛmer Meɛuci

Tiɣremt : Di tazwara anwa id Ɛmer Meɛuci ?

Ɛmer Meɛuci : Nek d yiwen n yilemzi d amedyaz d amaru
n teqbaylit seg taddart n tizi Lqern (Adekar)
luleɣ ass n 19 ɣuct 1987,sufɣeɣ-d ungal s uzwel "Tasusmi-k"

Amek almi id tufid iman-ik d amedyaz ?

Seg temẓi i bdiɣ tira ger 14 d 15 issegassen
xedmeɣ isefra
ur zriɣ amek neɣ ayɣar

Amek i tettwalid tamedyazt ?

Tamedyazt tcud ɣer yimedyazen
ma d win ixedmen ayen yelhan ad telhu
ma d win ixedmen ayen icemten
ad tecmet

Awal-ik ɣef tmedyazt taqbaylit ?

D netta-t i yeṭṭfen iles aqbayli
d nettat i yettḥadaren ɣef tmeslayt-neɣ
d yenzan d leɛmun

Tamurt n yiqbayliyen tettwasen s waṭas n yimedyazen,ma yehwa-k aniwa imedyazen uɣur i tmaleḍ ?

Ḥemmleɣ akk wid ixeddmen isefra
seg Si Muh-Umḥend almi
d Zeddek Mulud d Lunis Ait Menglat
nek bɣiɣ ad iliɣ am Si Muh-Umḥend
acu kan s wallaɣ n zman-a

Aniwa icennayen d yimyura iqbayliyen i teḥmmleḍ ugar ?

Icenayen Ḥasen AḤRIS d Ayt Menglat
imyura d Ɛmer Mezdad
bla ma ttuɣ wiyaḍ,acku
mači d lexsas ixussen

Ɣef acu i tesefraweḍ ?

Sefraweɣ aṭas ɣef tayri
akked d wuguren n tudert

Melmi ar-ad tsufɣeḍ ammud n yisefra ?

Sufɣeɣ-d ungal ussan-a yezrin
ma d ammud n yisefra ad yeffeɣ
ger 10 ar 15 yebrir deg i nella

Ad nuɣal ɣer tira,ɣef acu isental i tettaruḍ ?

Niɣ-ak ɣef tayri,ɣef tudert,timetti
imdukkal,temzi,aɣuru,d wayen niḍen

Amek i tettwalid tira taqbaylit ? d acu d uguren id tettmagareḍ ?

Tira mači d ugur
ugur deg wid yeqqaren
qlilit

D acu d isenfaren id theyyid ɣer zdat ?

Amud ammud n yisefra
s uzwel "Tiliwa n tayri"

Yenna Dda Lmulud : "Aɣref,m-ur yesɛa ara adabu, ur yezmir ara ad iselḥu tameslayt-is"!?ɛlaḥsab-ik amek i nezmer ad nselek taqbaylit deg ngger it yettrajun ?

S tira d yimyura tutlayt
tuḥwaǧ win ara ixedmen fella-s
ama s yidlisen ama d ccna
Ilaq ad tnaru ad t neccnu Ad ttnetmeslay
u ad tnesɣer

Ahat yella kra I tebɣiḍ ad tidiniḍ ur-k d steqsiɣ ara fella-s ?

Iggerez kan,mači d yiwet ad tidnini
acu bɣiɣ ad iniɣ kan d akken sɛiɣ ungal di suq
u aqliyin sewjadeɣ-d i ussan-a ammud n yisefra

D acu ar-ad tiniḍ i yimeɣriyen n Tiɣremt ?

Ad-as niniɣ d kunwi id d afud n wid yettarun
yeswen kan ad yidir win yettarun
teɣzi n tudert i Tiɣremt,ɣer ɣurwen i tcud
ur ttettaǧat ara ad tmet
ilaq ad tidir ugar acku nuhwajit

Ahat tzemreḍ ad tbudeḍ asefru i uɣmis-nneɣ Tiɣremt ?

Akka tura ?,ad ɛerdeɣ :

Aẓar ilaq ad tḍefremt
Laṣel ad tafemt
Skud tettnad-im fella-s

amezruy ne ad tlemdemt
ad tḥudemt wa ad tḥadremt
Imi d netta id lsas

Ayen yellan di teɣremt
Ilaq ad teɣremt
Am akken ad tecfum fella-s

Ihi tanemmirt imi id triḍ ɣef yisteqsiyen-a ay aqbayli-nneɣ
sarameɣ-ak teɣzi n tudert u afud yelha a gma

Tanemmirt d aɣen i kunwi
sarameɣ mači d tikelt tanegarut
Teɣzi n tudert i kunwi
akked Tiɣremt

Yesteqsa-t Muhubi AKLI


AKLI AMNAY

Nombre de messages : 566
Age : 31
Localisation : Nngger
Date d'inscription : 22/05/2014

Revenir en haut Aller en bas

Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum