ḤAMIDUC,ACENNAY N TEQBAYLIT...

ḤAMIDUC,ACENNAY N TEQBAYLIT...

ḤAMIDUC,isem-is n tidet ḤMIDUC XEDDIM,d acennay ameqran n teqbaylit tazedgant,illul ass n 14 ɣuct 1956 deg akud n tegrawla deg Agni n waklan deg taddart n Ɛeṭṭuc taɣiwant n Makuda tawilayet n Tizi wezzu det tmurt n yiqbayliyen (deg yiwen n useggas netta d Lwennas Meεtub),yensa ass n 05 yunyu 2002,deg akud n tefsut taberkant,ssebba n yiwen n waṭṭan n diri id at yettfen aṭas aya (aṭṭan n tgezlin).
ibdi-is i tikelt tamezwart ɣef usayez yell-ad deg useggas n 1964 deg yiwet n tmeɣra n ucennay ameqran n teqbaylit Dda Racid Mesbaḥi,dina id yufrar s tezlit a wiza semḥ-as,seg imiren icennu yal ma ara ad tili tegnit deg tudrin n tmurt n yiqbayliyen.
deg tezlatin n ḤAMIDUC ad naf yecna ugar ɣef tayri,tumert,asirem,tudert n yal ass,tamurt akked umenuɣ,am:ay agfur n meɣres,lmeḥna-w tamezwarut,si lzayer ɣer tunes,aken kan yeffeɣ urumi,d tiyad i yelhan aṭas...rnu ɣer waya yesεa aɣanib d agla-s netta,win ara yeslen i uzawan-is ad at yeεqel,u yewwid amaynut i tezlit taqbaylit. ɣas akka tnac (12) iseggasen seg-mi yensa mazal ara tura nssel i tezlatin-is yerna aṭas n yicennayen id as yerra-n tajmilt gar-asen:FARID FERRAGI,BUGEMƐA AGRAW,KAMAL BASI,BUƐLAM QARA,MUḤ UBELƐID,akked gma-s RACID XEDDIM i yella-n ula d netta d acennay n teqbaylit(yesεa krad n yidebsiyen) abaraz-is anggar iga-t deg uxxam n yidles Ṭṭawes Ɛemruc n Bgayet ass n arim 06 yebrir 1998,ma d ass-mi id yewed wass n temdelt-is d igiman id yerzan ɣer taddart-is akken ad twalin i tikelt taneggart.
i usmekti ḤAMIDUC yesεa ugar n 10 n yidebsiyen.di taggara steεfu di talwit a gma-t-neɣ,ma d taqbaylit d awezɣi ad ak kettu...

Iɣil wis

Yefɣ-d ass-a deg uɣmis Tiɣremt, La Cité(ass n ahad 04 yunyu 2014)...sɣur Iɣil wis...