Kamal Bouamara

Aller en bas

Kamal Bouamara Empty Kamal Bouamara

Message  Azul le Mer 20 Mar - 18:13

“...Tamnaḍt n Sidi Ɛic tewwi tazwart deg umennuγ γef tumast tamaziγt...”, aya d Muḥend Besɛud i t-id-yuran deg udlis-is . Tama-ya n Bgayet d tidet tefka-d aṭas n yimeγnasen, i yennuγen ama γef uslelli n tmurt-nneγ neγ γef tutlayt tamaziγt. Akken i das-isemma Besɛud “une pépinière du berbérisme” Seg wid i d-teğğa temnaḍt-a nezmer ad d-nadder deg uḥric n tussna n tmaziγt Kamal Buɛmara. Aṭas n medden i yesnen argaz-a ama deg tγuri n yidlisen i d-yura neγ deg yisurag i d-yefka neγ ulamma deg rradyu neγ deg tiliẓri n tmaziγt; maca llan wid i yesteqsayen γef umezruy-is; tameddurt-is d umecwar-is ameγnasan γef tumast-nneγ. Γef wakka ad neɛreḍ amek ara d-nsuk tiṭ γef yiwen i yefkan lğehd n wallaγ-is i tmentelt tuγdimt γef wacu mmuten aṭas. Kamal Buɛmara, d yiwen seg yizmawen i d-teğğa temnaḍt n Tmeẓrit i d-yezgan deg tama n umalu n Bgayet. Argaz-a ilul mi tezɛef tegrawla n tmurt-nneγ ass n 25 deg γuct aseggas n 1959. Ikcem γer uγerbaz i tikkelt tamezwarut aseggas n 1965. Sin akkin yerra γer uγerbaz alemmas n Sidi Ɛic. 03 n yiseggasen yekcem tasnawit n Debbih Crif i d-yezgan deg Uqbu. Ayen i yefka d lğehd d tγuri ssawḍen-t ad yawi akayad n lbak deg yunyu 1980, tallit ideg teḥma tefsut n Yimaziγen. Mi yekcem γer tesdawit, Mass Buɛmara, yeγra deg tsuddut taγelnawt n tfellaḥt (INA) i d-yezgan deg Lḥerrac (Lezzayer), anda i yeqqim ugar n 05 n yiseggasen s wayes i d-yeffeγ s ugerdas (diplôme) Ajenyur deg tussna n tfellaḥt ( Aḥric n tdamsa). Tayri-s i tmaziγt, tewwi-t ad yeğğ taγult γef wacu i yefka acḥal d aseggas i wakken ad d-yeḍfer abrid n tussna n tmaziγt. Dγa yella deg yimezwura i ixedmen tazrawt n nnig n turagt deg Tesga n Tutlayt d Yidles n Tmaziγt deg tesdawit n Bgayet s wayes i yesɛa lmajister deg tsekla n tmaziγt aseggas n 1995. Aseggas n 1996 yewwi-d agerdas n tezrawin talqayin (D.E.A.) deg INALCO, deg tmanaγt n Fransa (Lpari). Imi leɛtab ur t-id-nettader! Akken i das-yenna umedyaz, Buɛmara iwala dakken leqdic i iga deg tezrawt-is n lmajister ur yemmid ara, ihi iḥettem γef yiman-is ad yernu anadi deg tezrawt i iga akken ad d-yessekfel yiwen n umedyaz ameqqran aqbur n Leqbayel seg tattut Si Lbacir Amellaḥ. D tazrawt n Dukṭura iwumi isemma Littératude et société: le cas de Si Lbachir Amellah (1861-1930), un poète chanteur de Petite Kabylie. Ma nuγal-d s telqey γer tezrawt-a (la thèse), tella-d γef yiwen n umeddaḥ n Tmurt n Leqbayel i iɛacen deg tallit n unekcum arumi. Mass Buɛmara - γas tuget n wakud ideg yexdem leqdic-a yesɛedda-t deg Tmurt n Leqbayel (Bgayet)- aseqdec n usentel-a i wumi i d-yezga i lmendad Ɛebdellah Bunfur, yella-d deg temdint n Lpari aseggas n 2003. Dγa iwakken ad tt-yebnu d tazrawt, aselmad-a yefka seg tudert-is i uḥric-a n unadi ussnan ugar n 10 n yiseggasen. Γas zrin yiseggasen, yeɛteb wallaγ, terza-d lγella. S leqdic-a yesɛan azal meqqer, amassan Kamel Buɛmara yesnerna-d ixulaf i tsekla tamaziγt; am wakken i yeḥrez aḥric deg-s seg tattut, imi tasekla-ya, tella yerna mazal-itt deg timawit, ur tressi ara iman-is deg tira. Am wakken yefka yakan tudert i wawal n Léopard Sédar Senghor “Yal amγar, yal tamγart ara yemmten, d tamkardit i yettruγen!” D ayen ara yeğğen, s udlis-a n Kamel Buɛmara, amedyaz – acennay Si Lbacir Amellaḥ ad d-ibin, γas ulamma , d iseggasen-aya ur yettwbdar ara, ulac win yuran fell-as; ad d-yeffeγ γer tafat, ad γren fell-as medden, ad d-ğğen awal fell-as i warraw-nsen, ad yaγ amur deg tsekla n tmaziγt, s umata. Mi ara nesfeḍ aγebbar γef yiwet n teγmert seg umezruy-nneγ, amassan-a yuklalen leqder s leqdic-is ussnan, d win ara aγ-yilin d tallelt i tmuγli γer yizri, yebnan γef wawal d timawit, ladγa tallit n unekcum arumi i tegzi akken iwata, abrid ansa i d-nɛedda d wamek ara yili usirem i tikli γer sdat.

Deg tesga n tmaziγt; Mass Buɛmara yesγer aṭas n walmuden : tanfalit, tira, tiẓri n tsekla, tasekla n tmaziγt ...atg. Ma deg twuriwin i yeṭṭef nezmer ad d-nadder:

D aselway n usqamu ussnan n Tesga n Tutlayt d Yidles n Tmaziγt seg 1996 ar 1999;
D ixef n Tesga n Tutlayt n Tmaziγt seg meγres 2000 armi tuber 2001;

D aselway n usqamu ussnan n Tesga n Tutlayt d Yidles n Tmaziγt seg 1996 ar 1999;
D ixef n Tesga n Tutlayt n Tmaziγt seg meγres 2000 armi tuber 2001;

Seg 2003/2007 d aselway n useqqamu ussnan n Tmezdayt n Tsekliwin d Tussniwin Talsanin;
Seg 2003/2007 d aselway n useqqamu ussnan n Tmezdayt n Tsekliwin d Tussniwin Talsanin;
Seg useggas n 2005/2006 d imḍebber γef useqqamu n lmajister n tesga (tasnalmudt, tasekla, tasnilest);
D aγella n usenfar CNEPRU Terminologies (amazighes) des sciences sociales et de l’éducation: traitements morphosémantique et sociolinguistique.
Mass Buɛmara d bab n umru, tira-s teğğa-d ixulaf deg unnar-a n tussna d tsekla. Dγa seg wayen yura ad d-nebder:

Ussan di Tmurt (d tasuqilt n Jours de Kabylie i yura Mulud Ferɛun);
Tuγalin n uqcic ijaḥen, (tasuqilt n le Retour de l’enfant prodigue n André Gide);
Nekni d wiyiḍ, yura-d deg-s 05 n tullisin.
Si Lbachir Amellah (1861-1930), un poète chanteur célèbre de Kabylie.
Ilugan n tira n tmaziγt, d adlisfus i d-yexdem s tallelt n yselmaden-nniḍen n tesga, d aslugen n tira s ugemmay alaṭini, d ilugan s wayes tleḥḥu tesga n tmaziγt n tesdawit n Bgayet.
Yura-d daγ azal n 04 n tezmilin deg D.B.K Hommes et Femmes de Kabylie, iγef i d-yezga Mass Caker Salem d lmendad. Deg uḥric n tmedyezt:

D aɛeggal deg tesqamut n yinzurfa n Warraz Mouloud Mameri deg Tizi-Wezzu seg 1994 almi 2000.
D aselway n tesqamut n yinzurfa n tfaska n tmedyezt n Adrar n Fad (Ayt Smaɛel-Bgayet) seg 2002 ar ass-a.
Zidan Yasin

Azul
Azul

Nombre de messages : 26605
Date d'inscription : 09/07/2008

Revenir en haut Aller en bas

Kamal Bouamara Empty Re: Kamal Bouamara

Message  Azul le Mer 20 Mar - 18:14

http://kab.wikipedia.org/wiki/Kamal_Bouamara
Azul
Azul

Nombre de messages : 26605
Date d'inscription : 09/07/2008

Revenir en haut Aller en bas

Kamal Bouamara Empty Re: Kamal Bouamara

Message  ayamun le Dim 24 Mar - 17:02

le dictionnaire de KAMAL BOUAMARA VU PAR IMYURA


| | |

Issin : asegzawal n Kamal Buεmara


Iwweḍ-iyi-d usegzawal "Issin" n Kamal Buεmara si tmurt ddurt-agi yezrin u seg ass-en atan ssentaɣ allen-iw deg-s. Qqareɣ-t am ungal neɣ am tullizt. Ttnadiɣ deg-s awalen wa deffir wa. Ur as-ttserriḥeɣ la deg umiṭru la deg wexxam a s-tiniḍ wissen dacu i y-ijebbden ar ɣer-s am ddkkir acku d tikkelt tamenzut i ṭṭfeɣ ger ifassen-iw asegzawal n teqbaylit. Si zik kra i d-iteffɣen d imawalen llant-ed deg-sen tmeslayin nniḍen am tafransist, taglizit neɣ tikkwal diɣen taεrabt. Maca tikkelt-a, Kamal Buεmara icemmer iɣalen-is i usenfar-a u yessaweḍ yessufeɣ-d asegzawal s teqbaylit kan. yeṛza asalu u ad d-yeqqim yisem-is deg umezruy-nneɣ.


Ihi asegzawal-a deg-s 6000 tewwura. D tidett macci aṭas acku taqbaylit ɣur-es ugar n 6000 n tewwura. Ula s tmuɣli, deg wakken nennum isegzawalen n tmeslayin nniḍen hrawit u ttbinen-d ččuṛen d tiwwura d tmussni, wagi rqiq kan. Mi t-serseɣ gar "Le Petit Robert" d "Larousse" iban-d am akken yessetḥa neɣ yennuɣni. Maca am akken d-yenna Kamal, asegzawal-agi mazal ur t-ifukk ara. Sya ar zdat a d-yeffeɣ gma-s n wagi d-yeffɣen tura u ad ilint deg-s ugar n 20000 n tewwura. Maca sya ɣer din tella yiwet n taluft i riɣ ad tt-id-iniɣ acku ussan-agi awal ɣef umahil n Kamal Buεmara yezga ɣef yilsawen, yezga deg ismilen n teqbaylit...Xarttum wa yeqqar i wa! Diɣentta yessusi-d asirem deg ulawen n wid iḥemmlen taqbaylit u nekk gar-asen aql-i ḥareɣ ad d-yeffeɣ wayeḍ-agi i s-iɣ-d-iṛeggem Kamal.


Ihi anda yella usirem yezmer ad yili imeṭṭi acku ma yella nekref ifassen-nneɣ nettraju di Kamal kan yezmer a s-yaẓay usenfar. Ur ilaq ara a s-nesbib kan i netta taɛkemt. Tira, aseɣti d usufeɣ n usegzawal am wagi yeḥlajj akud, iɣalen d wallalen. Dɣa din i tent-nuɣ s Iqbayliyen: ur nettak ara i yiman-nneɣ allalen xas fessus fell-aneɣ. Ihi akken a nefk afus i Kamal, akken a s-nefk cwiṭ n wallalen, xas ahat s tmussni ur nezmir ara, nezmer a naɣ asegzawal-agi "Issin" i d-yeffɣen. Ilaq ad t-naɣ. Win izemren ad yaɣ sin yaɣ-iten, win izemren ad yaɣ mraw yaɣ-iten. S waya kan ihi i nezmer a nessebɣes di Kamal acku asebɣes s wawal yelha maca asebɣes s tedrimt yugar-it.
Ihi ay atmaten, ma nra ad yili ɣur-neɣ kra n yiwen wass usegzawal bu-20000 n tewwura neɣ ugar yessefk fell-aneɣ a newwet ar ljjib. Isenfaren akk i wumi kkren medden, ma ulac deg-sen aɣrum ad uɣalen a sen-sserḥen, a sen-brun. Tigi macci d timsal ukellex.
M.A.U






Asabter yellan deffir wa | Asabter n zdat










Copyright 2006 imyura.net



BONJOUR A TOUS

CREDIT TEXTE : imyura net
POUR EN SAVOIR PLUS : http://www.imyura.net/Timenza/tabid/57/articleType/ArticleView/articleId/623/Issin--asegzawal-n-Kamal-Bumara.aspx
ayamun
ayamun

Nombre de messages : 308
Age : 49
Localisation : france-sud et partout où il se sent bien
Date d'inscription : 17/03/2013

Revenir en haut Aller en bas

Kamal Bouamara Empty Re: Kamal Bouamara

Message  Contenu sponsorisé


Contenu sponsorisé


Revenir en haut Aller en bas

Revenir en haut


 
Permission de ce forum:
Vous ne pouvez pas répondre aux sujets dans ce forum